17.3.2009

MT

Il-Ġurnal Uffiċjali tal-Unjoni Ewropea

L NaN/118

Rettifika għar-Regolament tal-Kummissjoni (KE) Nru 1875/2004 tat-28 ta’ Ottubru 2004 li jemenda l-Annessi II u III għar-Regolament tal-Kummissjoni (KEE) Nru 2377/90 li jistabbilixxi l-proċedura tal-Komunità għat-twaqqif ta’ l-ogħla livelli ta’ residwu ta’ prodotti mediċinali veterinarji f’oġġetti ta’ l-ikel li ġejjin mill-annimali b’rabta mas-saliċilat tas-sodju u l-fenvalerat

( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )

Ir-Regolament tal-Kummissjoni (KE) Nru 1875/2004 għandu jaqra:

REGOLAMENT TAL-KUMMISSJONI (KE) Nru 1875/2004

tat-28 ta’ Ottubru 2004

li jemenda l-Annessi II u III għar-Regolament tal-Kummissjoni (KEE) Nru 2377/90 li jistabbilixxi l-proċedura tal-Komunità għat-twaqqif ta’ l-ogħla livelli ta’ residwu ta’ prodotti mediċinali veterinarji f’oġġetti ta’ l-ikel li ġejjin mill-annimali b’rabta mas-saliċilat tas-sodju u l-fenvalerat

(Test b’rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ewropea,

Wara li kkunsidrat ir-Regolament tal-Kunsill (KEE) Nru 2377/90 tas-26 ta’ Ġunju 1990 li jistabbilixxi l-proċedura tal-Komunità għat-twaqqif ta’ l-ogħla livelli ta’ residwu ta’ prodotti mediċinali veterinarji f’oġġetti ta’ l-ikel li ġejjin mill-annimali (1), u b’mod partikulari l-Artikolu 3 u t-tielet paragrafu ta’ l-Artikolu 4 miġjubin fih,

Wara li kkunsidrat l-opinjonijiet ta’ l-Aġenzija Ewropea tal-Valutazzjoni tal-Prodotti Mediċinali, permezz tal-Kumitat għall-Prodotti Mediċinali Veterinarji,

Billi:

(1)

Is-sustanzi kollha li huma farmakoloġikament attivi u li jintużaw fil-Komunità fi prodotti mediċinali veterinarji maħsuba għall-amministrazzjoni ta’ l-annimali li jipproduċu l-ikel għandha ssir valutazzjoni tagħhom skond ir-Regolament (KEE) Nru 2377/90.

(2)

Is-sustanza saliċilat tas-sodju ddaħħlet fl-Anness II għall-ispeċi kollha ta’ l-annimali li jipproduċu l-ikel ħlief il-ħut, iżda għal użu topiku biss. Id-dħul għandu jitwessa’ biex ikopri l-użu orali fl-annimali bovini u l-ħnieżer, ħlief għall-annimali li jipproduċu l-ħalib għall-użu mill-bniedem.

(3)

L-ogħla livell ta’ residwu proviżorju għall-Fenvalerat jintemm fl-1 ta’ Lulju 2004. Kien jaqbel li l-istudji xjentifiċi dwar dik is-sustanza jitħallew ikomplu, u għalhekk il-validità ta’ l-ogħla livelli ta’ residwu proviżorji għandha tkun imtawla sa l-1 ta’ Lulju 2006.

(4)

Ir-Regolament (KEE) Nru 2377/90 għandu jiġi emendat kif xieraq.

(5)

Għandu jkun hemm perjodu biżżejjed qabel ma jibda jgħodd dan ir-Regolament biex l-Istati Membri jkunu jistgħu jagħmlu l-aġġustamenti kollha meħtieġa, fid-dawl ta’ dan ir-Regolament, biex il-prodotti mediċinali veterinarji kkonċernati jkunu jistgħu jitqiegħdu fis-suq, liema prodotti jkunu kisbu l-awtorizzazzjoni meħtieġa skond id-Direttiva 2001/82/KE tal-Parlament Ewropew u l-Kunsill tas-6 ta’ Novembru 2001 fuq il-kodiċi tal-Komunità dwar il-prodotti veterinarji mediċinali (2), biex jitqiesu wkoll id-dispożizzjonijiet ta’ dan ir-Regolament.

(6)

Il-miżuri li hemm f’dan ir-Regolament jaqblu ma’ l-opinjoni tal-Kumitat Permanenti fuq il-Prodotti Mediċinali Veterinarji.

ADOTTAT IR-REGOLAMENT LI ĠEJ:

Artikolu 1

L-Annessi II u III għar-Regolament (KEE) Nru 2377/90 qed jiġu emendati kif muri fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali ta’ l-Unjoni Ewropea.

Dan għandu jgħodd mill-[niżżel id-data (60 jum wara l-pubblikazzjoni)].

Dan ir-Regolament għandu jorbot fl-intier tiegħu u hu direttament applikabbli fl-Istati Membri kollha.

Magħmul fi Brussel, 28 ta’ Ottubru 2004.

Għall-Kummissjoni

Olli REHN

Membru tal-Kummissjoni

ANNESS

A. Is-sustanza(i) li ġejja(ġejjin) qed titniżżel(jitniżżlu) fl-Anness II (Lista ta’ sustanzi li mhumiex suġġetti għall-ogħla livelli ta’ residwu).

2. Komposti organiċ

Sustanza(i) farmakoloġikament attiva(i)

L-ispeċi ta’ l-annimali

“Saliċilat tas-sodju

Bovini, ħnieżer (3)

B. Is-sustanza(i) li ġejja(ġejjin) qed titniżżel(jitniżżlu) fl-Anness III (Lista ta’ sustanzi farmakolġikament attivi li jintużaw fi prodotti mediċinali veterinarji li għalihom diġà ġew stabbiliti l-ogħla livelli ta’ residwu proviżorji).

2. Aġenti antiparasitiċi

2.2. Aġenti li jaħdmu kontra l-ektoparasiti

2.2.3. Piretrojdi

Sustanza(i) farmakoloġikament attiva(i)

Residwu li jimmarka

L-Ispeċi ta’ l-annimal

MRLs

Tessuti mmirati

“Fenvalerat (4)

Fenvalerat (is-somma ta’ l-isomeri RR, SS, RS u SR)

Bovini

25 µg/kg

Muskoli

250 µg/kg

Xaħam

25 µg/kg

Fwied

25 µg/kg

Kliewi

40 µg/kg

Ħalib

(1) ĠU L 224, 18.8.1990, p. 1. Regolament kif emendat l-aħħar bir-Regolament tal-Kummissjoni (KE) Nru 1851/2004 (ĠU L 323, 26.10.2004, p. 6).

(2) ĠU L 311, 28.11.2001, p. 1. Direttiva kif emendate l-aħħar bid-Direttiva 2004/28/KE (ĠU L 136, 30.4.2004, p. 58).

(3) Għal użu orali; mhux biex jintuża f’annimali li minnhom jittieħed il-ħalib għall-konsum mill-bniedem.”

(4) L-MRLs proviżorji jiskadu fl-1 ta’ Lulju 2006.”